ارتـــــــــعــش جــــفــنــي

شفتها وجف على اشفاهي الكلام
وارتعش جفني على نظره وليــده


قالت اقف غايتي رد السلام
وان سمحت ارجوك اسمعني قصيده


قلت يابنت المها ارخي اللثام
واقربي يمي ترا الخطوه بعيده


قالت اخشى عاذليني والملام
ومن عيون الناس ترسم لي مكيده


قلت ضاعت عينهم وسط الزحام
وكل قناص يدور لــه طريده


قالت القصه رايتك في المنام
صورتك طبعت على صفحة جريدة


بعدها شلتك على صدري وسام
وصرت انا وطيفك بهالدنيا وحيـده


واظلمت دنياي وغشاها الغمام
مع لــيل وقفت بدربي عنيده


قلت يابنت ابتــدى فيني الغرام
ولك بقلبي اليوم صفحات عديده


اشعليني كان يوحشك الظلام
ياعذاب القلب يامدمع وريـــده


واحرقيني مع بقايا من حطام
وما مضى من شوق بأذن الله نعبده



قــصــة عايشتهــا بس في المنام
وكل ليلة نبتدي قــصــة جديده

تسلم اخوي ع الطرح ولاهنتي

دمت بكل ود واحترااام وتقدير....^^

تسلمين خيتو ع المرور الطيب

تسلم خيوووو ^^